မြောက်မလွယ် မန္တလေး မာလာရှမ်းခေါက်ဆွဲ (140g)

ရွှေမန္တလေး စျေးချို မြောက်မလွယ် ရှမ်းခေါက်ဆွဲဆိုင် ကထုတ်လုပ်တဲ့ ပူပူစပ်စပ် မန္တလေး မာလာရှမ်းခေါက်ဆွဲ ပါ။ ရှေးယခင် မန္တလေးဈေးချိုတော်မှာ အလယ်ပေါက်ရယ်၊ တောင်မလွယ်ပေါက်ရယ်၊ မြောက်မလွယ်ပေါက်ရယ်ဆိုပြီး အရှေ့အနောက် တိုးလျိုပေါက် လမ်းတွေ ရှိပါတယ်။ အဲဒီ စျေးချို မြောက်မလွယ်ပေါက် ဖက်မှာ ဖွင့်ခဲ့လို့ မန်းသူမန်းသားတွေပါးစပ်ဖြားမှာ မြောက်မလွယ်ရှမ်းခေါက်ဆွဲဆိုင်ရယ်လို့ နာမည်တွင်ခဲ့တဲ့ နှစ်ပေါင်း ၄၀ ကျော် သက်တမ်းရှိပြီဖြစ်တဲ့ မြောက်မလွယ်ဆိုင်ကထုတ်လုပ်တာမို့၊ မန္တလေး မာလာရှမ်းခေါက်ဆွဲ အရသာစစ်စစ် ကို သုံးဆောင်ကြရမှာပါနော်။