မိစံ အညာလက်ရာ ကြောင်လျှာပွင့်သုပ် (125 g)

ကြောင်လျှာသီးကို လူတော်တော်များများက စားဖူးကြပေမယ့် ကြောင်လျှာပွင့်လေးတွေ ကိုတော့ သိပ်မစားဖူးကြပါဘူး။ အတို့အမြှုပ်အနေနဲ့ စားလို့ကောင်းတဲ့ ကြောင်လျှာပွင့်လေးက ကျန်းမာရေးအတွက် ဘယ်လို အထောက်အကူပြုပေးလဲဆိုတာကို ပြောပြပေးသွားပါမယ်။ ကြောင်လျှာပွင့် ဆိုတာက ကြောင်လျှာပင်ရဲ့ အပွင့်ပါ။ ပန်းပွင့် အတွင်းပိုင်းက အဝါရောင်ဖျော့ဖျော့လေးနဲ့ အပြင်ဘက်ကတော့ အနီရောင် ခပ်ဖျော့ဖျော့လေး ရှိပါတယ်။
အသားထူထူလေးနဲ့ စားလိုက်ရင် ထုတ်ထုတ်နဲ့ စားကောင်းလှပါတယ်။ ပြုတ်ပြီး ငပိရည်နဲ့ တို့လို့ ရသလို ပြုတ်ပြီး ပါးပါးလှီး ဆီချက်၊ မြေပဲထောင်း၊ ကြက်သွန်စိမ်း၊ နှမ်း၊ ပုစွန်ခြောက်မှုန့်တို့နဲ့ သံပုရာရည်လေး ညှစ်ပြီး သုပ်စားရင်လည်း စားလို့ ကောင်းပါတယ်။
ထမင်းနဲ့ တွဲစားလို့ ရသလို အခါး ကြိုက်သူတွေအတွက်ကတော့ အဆာပြေ ရေနွေးကြမ်းလေးနဲ့ တွဲသောက်လို့လည်း ရပါတယ်။ ကြောင်လျှာပွင့်လေးကလည်း ကြောင်လျှာသီး၊ ကြောင်လျှာရွက်တို့လိုပဲ ဆေးဖက်ဝင် အာနိသင်လေးတွေ ရှိပါတယ်။
သွေးတွင်းသကြားဓာတ်ကို ထိန်းညှိပေးတယ်
ဇီဝကမ္မဖြစ်စဉ်ကို ကောင်းမွန်စေတယ်
အစာခြေစနစ် ကျန်းမာစေတယ်
အူနံရံတွေ၊ အစာအိမ်နံရံတွေက ဆဲလ်တွေကို ကျန်းမာစေပြီး အစာအိမ် အနာဖြစ်တာတွေကိုလည်း သက်သာစေနိုင်ပါတယ်။ အာဟာရ ကောင်းကောင်း စုပ်ယူနိုင်စေဖို့ ထောက်ကူပေးပါတယ်။
ဓာတ်မတည့်မှုကို သက်သာစေနိုင်တယ်
ဆီးရွှင်စေတယ်
သွေးတွင်း ကိုလက်စထရော ကျဆင်းစေနိုင်ပါတယ်
သည်းခြေရည် ထွက်စေနိုင်တယ်
ဒါကြောင့် ကြောင်လျှာပွင့်ကိုအတို့အမြှုပ်အနေနဲ့ဖြစ်စေ၊ အသုပ်ပုံစံပဲဖြစ်စေ စားသုံးသင့်ပါတယ်။