ဒေါ်ရိတ်ကြီး လက်ဖက်အညွှန့်နှပ် အဆိမ့် နှင့် အကြော်စုံ (150g)

ငယ်ငယ်တုံးက ဆူးလေက အမြဲလူစည်ကားနေတတ်တဲ့ ဒေါ်ရိတ်ကြီး လက်ဖက်ဆိုင်မှာ သူငယ်ချင်းတွေနဲ့အတူ ခွေးခြေသေးသေးလေးတွေနဲ့ ထိုင်စားဖူးကြသလား? Admin ကတော့ လက်ဖက်သုပ်စားရင်း ရေနွေးကြမ်းနဲ့ ထမင်းဖြူကလေးမှာပြီး ကြက်သွန်ဖြူ ငရုတ်သီးစိမ်းလေးတွေကိုက်ရင်း စားခဲ့ကြတာကို မှတ်မိနေပါတယ်။ အခုလဲ ဆူးလေ မူလလက်ဟောင်းဒေါ်ရိတ်ကြီးကထုတ်လုပ်တဲ့ လက်ဖက်လေးတွေစားရင်းနဲ့ ငယ်ဘ၀ ဖီလင်လေးကို ထပ်တူထပ်မျှပြန်လည်ခံစားကြည့်နိုင်ကြပါပြီ။
ချဉ်ချဉ်စပ်စပ်မှ ထိမိတဲ့ သူတွေအတွက် ဒေါ်ရိတ်ကြီး လက်ဖက်ထောင်းချဉ်စပ် နှင့် အကြော်စုံ အထုပ်များ ရနိုင်သလို၊ လက်ဖက်အရသာစစ်စစ် အညွန့်နှပ်မှ ကြိုက်သူများ အတွက်လည်း ဒေါ်ရိတ်ကြီး လက်ဖက်အညွှန့်နှပ် အဆိမ့် နှင့် အကြော်စုံ အထုပ်များလဲ ရနေပါပြီ။
ဒေါ်ရိတ်ကြီးလက်ဖက်က Himalayan pink salt (ဟိမ၀န္ဒာ ပန်းရောင်ဆား) နဲ့ နှပ်ထားတယ်။ ပဲဆီစစ်စစ်ကို အသုံးပြုထားတယ်။ ဓာတုဆေးဝါးလုံးဝမပါ၊ အရည်အသွေးကောင်းမွန်သော ကုန်ကြမ်းများကိုသာ အသုံးပြုထားပြီး၊ အထုပ်ထဲမှာ ရှယ်ရွှေပုစွန်ခြောက်ကလေးတွေပါ တခါတည်းပါပြီးသားပါ။
ငယ်ငယ်တုံးက ဒေါ်ရိတ်ကြီးဆိုင်မှာ စားခဲ့ရတဲ့ အရသာအတိုင်း ပြန်ရတယ်။
မိသားစုနဲ့ပဲ အပျင်းပြေစားစား၊ ရန်ကုန်ငယ်ဘ၀အလွမ်းပြေစားစား၊ ဘော်ဒါတွေလာလည်မှာမို့လို့ ဒေါ်ရိတ်ကြီးလက်ဖက်သုတ်နဲ့ ဧည့်ခံချင်လို့ပဲဖြစ်ဖြစ် ဝယ်ဆောင်ထားသင့်တဲ့ ဒေါ်ရိတ်ကြီးလက်ဖက်ပါ။
*ဒေါ်ရိတ်ကြီးလက်ဖက်ရဲ့ ကုန်ကြမ်းများကို Organic စစ်စစ်လက်ဖက်ကိုသာ အသုံးပြုပေးထားလို့ ယုံကြည်စိတ်ချစွာ စားသုံးနိုင်ပါကြောင်း။